Nesten heime igjen :)

No har eg vore heime i over ei veke. Har vore mykje som har skjedd med tanke på jula så har ikkje fått skrive noke om heimreisa. Men eg kom meg ihverfall heil heim sjølv om det var mykje som skar seg på vegen; Fekk ikkje ta med meg all handbagasjen frå Melbourne og måtte sende det som bagasje, noko som resulterte i ei knust julegåve. Så var airconditionen ødelagt på flyet så hadde maraton i å ta på og av genseren min, flyet frå London var forsinka, men enda verre var Odd sitt fly frå Hovden som var kansellert. Derfor fekk ikkje han møtt meg på flyplassen før han skulle vidare på plattform. Han kom seg likevel på nattbussen slik at han fekk sjå meg morgenen etter, då eg skulle ligge på hotell like ved flyplassen. Men ikkje dette heller gjekk som smurt. Han satte seg på feil minibuss frå flyplassen og enda opp på feil hotell, prøvde å ta taxi derifrå, men taxisjåføren hadde manglande retningssans og kjørte til to hotell før han fann det rette. Men når alt dette er sagt så var alt gløymd når eg fekk møte Odd! Kjempekoselig å få sjå han igjen sjølv om det berre var ein times tid :) Beste timen på lenge.

Onsdagen, 17. desember, tok eg bussen til Tinn for å besøke mamma. Kjempekjekt å sjå ho igjen, og deilig å endeleg kome "heim"! No har eg vore der i ei og ei halv veke, og både mamma, Per, Merethe, John Øyvind og tante Reidunn har vore her, så det har vore ei kjempetrivelig jul! Var ikkje mykje snø her, men det var heller ikkje mykje som skulle til for at eg vart fornøgd ;)

Gjensyn ;)

Julenøtter :)

Mamma strikka :)

Julemiddagen

Pakka opp gåve :)

Eg skulle eigentleg reise med nattbussen idag, søndag, men fann ut at eg og Merethe skal reise tidleg til Oslo i morga og vere der dagen før vi tek nattbussen på kvelden. Glede meg kjempemasse til å endeleg kome HEIM til Volda! Glede meg til å sjå alle heime. Rekke akkurat å sjå folk før nyttår ;)
Snakkast veldig snart!
Klem :)

Bilder

Då har eg lagt ut bilder frå siste ferieturen vår, for dei som ikkje har lagt merke til det ;)

Ellers er eg tilbake til gamlelandet! Skal skrive meir om heimreisa og homecoming seinare ;)
Uansett godt å vere heime!

Klem :)

Whitsunday and Frasier :D ... and homecoming..

No har vi hatt den siste perfekte ferieturen I Australia – Whitsunday Islands og Frasier Island!

Airlie Beach

Vi tok flyet saman med Martin, typen til Josefin, til Airlie Beach og møtte svenske jentene våre der J Vart der ei halv veke med stort sett avslapning ved lagoonen.. Det var stort sett det som var å gjere akkurat denne plassen.

Sailing

Så kom høgdepunktet på faktisk heile oppholdet mitt her! Tysdag reiste vi med ein gjeng på 14 stk på seiltur blant Whitsunday Island ute I Great Barrier Reef! Reiste med Southern Cross som har vore med I finalen på Americas Cup! Det var ein heilt fantastisk tur, ubeskrivelig flott å seile ute blant øyane i strålande vær!

Framme ved bauen på seilbåten Southern Cross :D

Første dagen var vi til Whitehaven Beach, noke som kan beskrivast som den vakraste stranda du kan tenke deg! Krittkvit fin sand som gjekk I eitt med krystallklart vatn! Der fekk vi bade og sole oss, men måtte ha våtdrakt då det kunne vere dødelige “stingers” I vatnet. Men det var ein heilt ubeskrivelig opplevelse å berre vere der! Gjekk opp til ein utkikksplass der vi fekk sjå heile stranda og øylandskapet, og igjen, ubeskrivelig flott!

Ein finn ikkje flottare stad, det er eg sikker på!

Whitehaven Beach - himmelen

Vi senka ankeret ved Border Island der vi fekk fantastisk god mat som alle dagane på båten, og satt oppe på dekk og berre prata og kosa oss :) Sov oppe på dekk, eg og Ingvild heilt fremst ved bauen :) Utrulig flott å ligge der å sjå på stjernene meda båten gynga fint..

Neste dag fekk vi snorkle same plass. Det var 10 000 ganga betre enn i Cairns, vi var heilt nære på korallrevet, og vatnet var krystallklart så det var heilt utrulig å berre symje rolig over å berre sjå på alle dei ulike fargerike rev- og fiskesortane. Så seila vi vidare til Hook Island der vi fekk ta snorkling nr. 2. Denne gangen var fiskane det store! Det yrla med nydelige fiska rundt oss, og følte meg nesten som ein fisk sjølv der eg svømte saman med dei, hehe.. Seinare fekk vi også sjå nokre digre fiska på størrelse med overkroppen min, igjen nydelig flotte og så utrulig grasiøse der dei svømte mellom småfiskane! Desse mata vi også :)

Klovnefisk innimellom revet

Fantastisk flott fiskeliv og korallrev under vannoverflata!

Frå Hook Island hadde vi så pass bra med vind, at vi fekk ta storsegling til Black Island, då fekk vi hjelpe til med å både heise og senke seglet, tungt, men veldig gøy! Sidan det var bra med vind fekk vi god fart og seila nesten diagonalt, så vi holdt oss på den så kalla ”safe side” – andre sida var ”suicide” ;) Måtte holde oss faste så vi ikkje trilla av gårde, for vi låg ganske bratt diagonalt med båten!

Crew'e på seilbåten!

Ved Black Island gjekk vi i land og åt litt snacks meda vi satt på stranda og såg på solnedgangen.. Tilbake til båten såg vi store fiska symje rundt båten som vi mata, så overnatta vi på dekk på båten :)

Dessverre var neste dag siste dagen på seilbåten; eg følte eg ALDRI ville til land, for det var berre heilt fantastisk ute på havet! Men vi fekk ein siste snorkle tur ved Blue Pearl Bay, Hayman Island, og dette skal vere ein av dei beste plassane å snorkle, noko som viste seg å vere heilt rett! Korallrevet var heilt fantastisk flott itillegg til at der var tusenvis av ulike fiska som vi svømte saman med, blant anna eit par digre fiska som vi hadde mata nokre daga før, svømte heilt tett innpå dei og kunne faktisk ”klappe” den, heilt utruleg..

Like stor som overkroppen min, minst, og fantastisk flott og grasiøs!

Siste stopp var South Molle Island der vi gjekk til ein look out og fekk sjå utover alle øyane i Whitsundays! Fantastisk flott, men må innrømme det var som ein steikovn å gå opp; trur temperaturen nærma seg 40! Men vi holdt humøret oppe ved å synge songa saman med kapteinen ;)

Tilbake til Airlie Beach vart det avslutning på eit hostel der heile gjengen samlast J


Frasier Island

Eit par dagar etter gjekk turen vidare til Hervey Bay. Derifrå for vi gruppevis med 4x4 bilar til Frasier Island. Det kan nesten seiast at vi kom frå himmelen i Whitsundays, til det stikk motsatte. Uflaksen tok ikkje ende! Vi enda på gruppe med eit engelsk par som visste alt mellom himmel og jord. Difor hadde vi ”god tid” til å stikke innom eit vinmonopol før vi tok ferga. Vi hadde fått streng beskjed om at dersom vi mista ferga så måtte vi vente til dagen etter og betale alt sjølve; det må også seiast at folka på hostelet ikkje eigde service innstilling! Vi var rimelig nervøse når eine av det engelske paret skulle kjøre på eigen hand til ferga. Han hadde nok av stoltheit og sa ikkje frå før milevis unna at han ikkje visste kvar han var. Vi ringte for å høre kva tid ferga gjekk og den hadde gått for eit kvarter sidan! Vi kjørte i full fart, denne gongen rett veg, til fergekaia. Nesten irriterandes heldige var der ei ferje vi kom med! Men denne gjekk til ein heilt annan stad på øya og vi enda med å ta ein ”stipla” veg gjennom øya til stranda – vi hadde berre lov å kjøre på grønne vegar der forsikringa vart dekt. Vegen var av det mest humpete slaget, noko eg eigentleg berre syns var artig, når vi kjører 4x4 skal det vere litt ”off road”, men mindre kjekt var det når vi stod BOMFAST i laus sand! Vi stod nærmare ein tima for å grave og dytte oss laus! Når vi kom til stranda var klokka over 13, noko som betydde at tidevatnet var på veg, og vi hadde ikkje lov og kjøre lenger. Han som kjørte skulle sjølvsagt fortsette og kjøre, men etter mykje høg diskutering fekk vi stoppa bilen ved strandkanten. Venta der ein times tid før vi kjørte stranda til campen – 4 timar etter planlagt. Men på vegen fekk vi sjå det kjente ”ship wreck’e” som er ved stranda, og det var ganske fasinerande å få sjå.

Skipsvraket på Fraser Island

Framme ved campen satte vi opp teltet i dundrande tordenvær og kom oss akkurat under tak før regnet kom! Mingla med dei andre gruppene, men vart stort sett middag og til ”sengs” i teltet klokka 8-9 på kvelden! Campen var så å seie ein pub, og vi skjønte fort at Frasier turen var nokså prega av drikking; Ikkje heilt som vi hadde tenkt oss..

Dagen etter kjørte vi til Indian Heads, ein utkikksplass på øya, veldig fint å sjå innover øya og sandlandskapet, men hadde faktisk trudd det skulle vere meir sand, men det var veldig fin utsikt uansett. Vidare gjekk vi stranda til såkalla ”champaign pools”. Dette skal vere eit slags boblebad mellom steinar og skjær ute mot havet, men grunna ein del regn fekk vi ikkje sjå heile verknaden av bølgene som laga ”boblene”.

Ved Indian Heads, med øya i bakgrunnen. Eigentleg ikkje så store delar som berre er sand.

Reiste tilbake til campen før tidevatnet kom og åt lunsjen ved stranda noko som var veldig fint, og gjengen klarte å vere vennar innimellom, i alle fall med tre andre som var på gruppa; også engelske. Resten av kvelden vart det litt kortspeling og avlapning, men vart nokså bråkete til slutt med alle dei fulle folka så igjen gjekk vi å la oss rundt 9, hehe…

Siste dagen våkna vi til strålande vær, ENDELEG! Åt frokost, pakka saman og tok første stoppen på Eli Creek, som er største ”creeken” på øya. Utrulig idyllisk å gå i vatnet inn i skogen der! Vidare kjørte vi til siste stopp, og også høgdepunktet på øya – Mckensie Lake! Fantastisk klart ferskvatn! Bada og kosa oss der eit par timar før vi kjørte til ferga – denne gongen ein time i forvegen ;)

Stranda var hovudvegen ;)

Største havskilpadda eg har sett!

Gjengen frå firhjulstrekkaren vår :)

Vi hadde stort sett vore venna før det skar seg igjen i Hervey Bay. Vi hadde vorte fortalt at vi skulle fylle luft i dekka så snart som råd når vi kom på normale vegar igjen. Vi kjørte forbi fleire stadar der ein hadde moglegheit til dette, og vi prøvde konstant å få han engelske til å stoppe. Men han var fast bestemt på å kjøre til ein bensinstasjon. Vi prøvde å fortelle han at vi ville ikkje betale for nye dekk fordi han ikkje ville høre på oss, og det endte med at han smelte av og kjefta på oss uten stopp, stort sett for å fortelle at det var dei to andre som hadde kjørt bilen som i så fall hadde ødelagt bilen, og fortalte alt dei hadde gjort feil og sa til å med ”I know a lot about car, and stuff”, hehe.. det hørtes lovandes ut ;) Må innrømme at det heile vart litt komisk. Vi leverte bilen og alt gjekk bra med bilen, så når vi kom til hostelet igjen gjekk vi fint kvar for oss ;)


Noosa, Brisbane og avreise

Stranda i Noosa :D

Dagen etter for vi lykkelige frå Hervey Bay. Plassen var ikkje heilt som vi hadde tenkt oss ;) Eg og Ingvild tok en snartur innom Noosa og sola oss litt på stranda før vi kom ned til Brisbane (onsdag kveld). Overlykkelige for å vere i leiligheita vår igjen, hehe.

Var ein heilt fantastisk ferie, og frasier Island var tross alt ein veldig fin plass, hadde vi berre hatt litt meir flaks med oss.. Men Whitsunday Island var berre så fantastisk flott, at eg kan ikkje seie anna enn at det var ein PERFEKT ferie!

Resten av veka – SISTE VEKA (!), budde Josefin, Mia, Martin og Linn (ei venninne av Mia) i leiligheita vår J Koselig at heile gjengen var samla før vi reise frå kvarandre!

Fredag hadde vi Santa Lucia feiring med kvite kle, glitter og song ;) I går laurdag hadde vi avslutningsmiddag i Queenstreet noko som var veldig koselig J I dag sa vi hadet til svenskane våre! Det var ufattelig trist sjølv om vi veit vi sjåast snart igjen; har allereie planlagt å kome til sverige når dei har midtsommar fest :D Elles sa vi hadet til Michael og Jacob, også veldig trist :l

Santa Lucia :)

No har eg alt pakka og klart, og leiligheita er vaska. Rimelig klar for å ta av i morgatidlig! Sjølv om eg er veldig trist for å forlate Australia, så glede eg meg heilt vanvittig mykje til å kome heim til alle dokke heime! Kan ikkje feire jul utan snø og familie ;) og glede meg så masse til å møte Odd på flyplassen!

Vi snakkast VELDIG snart ;)

Stor klem frå homecoming Hill ;)

Airlie Beach

Da er eg i Airlie Beach som ligg rett ved Whitsunday Islands! Har hatt nokre fine dagar no med avslapning. Er faktisk ikkje saa mykje aa gjere her i Airlie Beach, saa vi har mest slappa av ved lagoonen og bada :) Vore litt skya, men har klart aa vorte litt solbrent likevel ;) I gaar gjekk vi langs promenaden og hamna; veldig fint aa sjaa ut mot sjoen, aat lunsj ved ei av strendene ogsaa :) men vi kan ikkje bade i sjoen for det er "stingers season", desse er saa smaa at ein nesten ikkje kan sjaa dei og dei kan brenne deg som ein brennmanet trur eg, men er enda farlegare, ein kan bli paralysert. Er ogsaa sjanser for krokodiller her visst nok, saa eg held meg fint paa land :)

Men tysdag reiser vi ut paa tredagers seiltur! Gleder meg! Daa kan vi snorkle ut ved revet, sidan vi har stingers-suit; heildekkande drakt, saa daa er vi trygge :)

I dag er det litt regn saa vi proever aa ordne litt praktisk. Skulle soeke paa fag til vaaren, men sjoelvsagt hadde eg gloeymt aa fjerne faga eg soekte paa i Volda denne hausten! Saa har ikkje moglegheit til aa faa soekt paa dei no! Haaper eg faar hjelp snart, for soeknadsfristen er mandag! Men regnar med det gaar bra med litt utsettelse sidan det har vorte misforstaaelsa paa nettsida. Har iallefall faatt soekt paa bachelor :)

Ellers ser eg at eg har svaert lite pengar igjen, for eg har feilberegna maanadane, i tillegg til at eg trudde depositumet ville dekke siste leiga paa leiligheita noko den daa IKKJE gjer. Eg hadde allereide bestilt denne turen, men ser der er diverse ekstrautgifter som reef-taxes og ein rimelig dyr bussbillett soerover igjen! Eg faar berre bruke minst mulig pengar! Treng tross alt litt naar eg kjem til Brisbane, og til Norge!

Nei, daa maa eg stikke igjen. Sjoelv om eg har knapt med pengar saa har eg det veldig bra! Kan ikkje klage naar eg er i Whitsundays! No regnar eg med vi skal til hostelet vaart igjen. Har skifta litt paa hostela, men alle har vore VELDIG bra! :D Bortsett fraa at doen vaar ikkje verkar no, hehe :)

Vel vel.. snakkast igjen snart!
Klem :D

Pakkings

Da har eg begynnt pakkinga til heimreise! Fekk sortert alt, og funne ut kva som skal sendast i Cargo, kva som skal kastast, kva som skal i handbagasjen og kva som skal i kofferten. No er rommet nokså klart for å berre hive med seg tinga. Einaste eg har igjen er tinga eg tek med til Whitsundays :) Var ganske kjekt å få gjort unda det meste med pakkinga, slik at vi kan slappe av meir på tur :) Men må innrømme eg vart ganske melankolsk når eg såg rommet midt i flyttinga. Ganske tomt, så no er det verkeleg ikkje lenge til eg reiser! Fy, det er rart.

Kofferten min som antakeligvis vert altfor full og altfor tung!

Cargo og søppel!

Tomme tomme rommet mitt!

Siste ferien!

Helga har vore nokså kjedelig sidan det ikkje er mykje kjentfolk igjen i Brisbane! Men søndagskveld kom Martin, typen til Josefin, heilt frå Sverige for å bu med oss som han ikkje ein gong kjenner ;) Han skal vere med oss nokre dagar før vi reiser i lag nordover for å møte Mia og Josefin.

I går, mandag, gjorde vi ikkje mykje spennande. Eg og Ingvild hadde ein del å ordne no som det snart er heimreise! Fann ut at vi både må sende cargo, ordne papir, betaling og vasking av leiligheita, og hente skulearbeid og karakterar ETTER ferieturen vår! Då er det antakeligvis berre få dagar igjen til avreise, så må innrømme eg er ein smule stressa!
Eg og Ingvild fekk også kjøpt ein bag som vi skal bruke til cargo. Skal prøvepakke i dag for å sjå kor mykje eg faktisk må ha i handbagasjen. Har ein mistanke om at den kjem til å vere rimelig tung! Får satse på at vi har nok tid til alt vi skal ordne når vi kjem tilbake til Brisbane. Vil ikkje stresse sidan det er siste dagane vi er i Brisbane..

Vel, fekk også tid til litt sightseeing i går, så Martin fekk sjå både skulen vår, South Bank parklands og byen (Queen Street ;) ). Gjorde litt shopping der før vi gjekk tilbake å slappa av. Var hos Michael og Matt på kvelden. Skal besøke dei i dag også, og det verte kanskje siste gong vi ser dei :/ Mulig at Michael er her når vi kjem tilbake til Brisbane, men då vert det sjølvsagt berre hei og hadet med tanke på alt vi har å ordne.. Veldig trist å tenke på!

I dag skal vi til Surfers ein tur, ser ut til å vere litt overskya i dag, men likegreit det - i går va det skyfri himmel og det var nesten ulevelig varmt!

I morga reiser vi til Whitsunday Islands! Blir deilig å reise vekk for då veit eg at eg får slappe av. Når eg er her i Brisbane tenker eg berre på alt som skal ordnast!
Heldigvis er Josefin og Mia der allereide. Har ikkje snakka mykje med dei, men slik eg har forstått har dei booka hostel for heile gjengen :) Michael syns akkurat det var ganske rart, for no er det skulefri for alle, og både i surfers paradise, og opp i Airlie Beach dit vi skal er det fullt i såkalla "Schoolies" som feirar skuleslutt (berre 12-17 åringar som drikk seg fulle, så ganske tragisk eigentleg). Men då skal det visstnok vere fullbooka på alle hostel, men kanskje vi har vore svært heldige :)

Blir ved Airlie Beach til Tysdag faktisk, for då har Josefin og Mia booka seiltur der! Har faktisk ikkje mykje aning om kva opplegget er, men skal vere ein til saman 9-dagers pakketur dei har bestilt til 725 dollar. Litt over 3000 kroner. Då skal det vere 3-dagers seiltur ut i whitsundays der det er muligheit for å snorkle, og nokre dagar på Frasier Island der vi skal campe og kjøre 4wd! Men det er eigentleg alt eg veit til no ;)

Fann ut at dersom vi skal på ein 9-dagers tur frå tirsdag vil vi ikkje vere ferdig før 11 desember! og etter det skal vi innom Noosa på Sunshine Coast for å få med oss Australia Zoo. Trur akkurat det må bli ein snar visit, sidan det då berre er 4 dagar igjen til avreise!
Så no er det ihvertfall IKKJE lenge igjen til eg kjem heim! Berre ein liten ferietur så er eg plutselig tilbake ;) Akkurat no må eg innrømme at eg syns det berre er trist å skulle reise frå Brisbane, alle folka og alt som er å sjå.. Dei dagane no før whitsunday vil vere dei siste dagane her i Brisbane der eg faktisk føle meg heime.. Når vi kjem tilbake er det berre å begynne å pakke saman rommet mitt..

Men, det vi har funne ut no, noke som gjer heimreisa litt kjekkare, er at vi har funne ut vi har 8 timar i Melbourne og 6 timar i London på vei tilbake, så då har vi bestemt oss for at vi SKAL kome oss ut til byen, ihvertfall i London! Vi fann ut at vi kjem halv2 til Heathrow, og hal3-3 har vi kanskje komt oss ut av flypassen, og viss vi skal vere der eit par timar før avreise igjen, altså kl 6, så har vi kanskje heile 3 timar til ein rask sightseeing gjennom London by!! Det hadde vore heilt utruleg!

Nei, nok babl, eg får vekke dei andre her.. Klokka er snart halv 12, så er vel på tide å ta toget sørover skal vi få noke tid på Surfers..

Klem :)

Juleferie :D

Da har eg fått unda nesten all juleshoppinga, og i dag var det full avslapning!

Tysdag holdt vi oss inne, for då var det ekstremt vær ute! Regna i eitt sett, i tillegg til vind. Eg og Ingvild gjekk likevel på butikken for å handle mat, men det var det einaste vi var ute ;) Fekk vite dagen etter at det hadde vore storm her, og at nokre hus i nærheita her hadde mista taket! Men no begynne det å bli bedre vær, kan ikkje risikere og ha dårlig vær siste vekene! No er det faktisk dårlegaste været som har vore sidan 1970! Typisk ;)

Onsdag var været mykje bedre, men då reiste vi til Outlet litt utanfor Brisbane. Masse bra merke til veldig bra pris! I går var vi også på juleshopping, men ut i Queenstreet. I går vart eg så godt som ferdig me julegavene faktisk!

..Såå.. i dag ville vi ta ein REIN avslapningsdag, så vi reiste sørover til Surfers Paradise. Møtte faktisk på ein vi vart kjent med på Byron Bay turen i begynnelsen av semesteret! Vi har planlagt å finne på noke gjennom heile studiet her nede, men det har aldri vorte noke av, så det var nokså tilfeldigheit no like før han og vi reise at vi møtte på kvarandre, PÅ toget, SAMME tid, SAMME vogn, hehe :) så er han frå ålesund også, så det er sagt :) Vi vart pratandes på toget nedover, og eg og Ingvild klarte å gløyme å gå av på Surfers Paradise, så vi vart med han til Reileigh Heads, ei strand litt nedanfor sjølve Surfers. Mykje rolegare her så det var fint å ligge der å slappe av :) Eg og Ingvild prøvde å få litt brunfarge, medan Peter (som han heiter) surfa :)

Ellers er det lite som har skjedd.. Prøver å gjere alt praktisk ferdig no, for søndag kjem typen til Josefin, og blir buande med oss nokre dagar sidan Josefin og Mia er reist nordover. Eg, Ingvild og Martin tek flyet til Whitsunday onsdag for å møte svenske jentene våre :)

Ja.. og sei frå visst det er noke dokke vil eg skal kjøpe med meg heim ;) Men det må seiast at alle gåvene eg har kjøpt veg ein del allereide, så med alt eg har kjøpt til meg sjølv verte vel kofferten sann ca.. hmm.. dobbelt så tung? så JA, Cargo..

No er det natta.. Sola tar på ;)
Klem

Klem :)

Sydney baby!

Ja, no har eg hatt nokre fantastiske dagar etter skuleslutt! I går reiste Silje heim igjen, men eg, Ingvild og Silje hadde ei heilt utruleg helg i Sydney!

Dag 1 - Torsdag 13. november
Vi reiste med fly klokka 8 om morgenen til Sydney. D betydde at vi måtte stå opp 5-halv 6! Men vi var like glade og fornøgde :) Kom til Sydney i 10-11 tida, og då var det berre å sette frå seg sakene på hostelet og ta turen innover til byen. Vi budde nokså nært, så det var berre å gå gjennom George street før vi kom ned til hamna.

Sydney by. Flotte bygningar overalt!

Åt oss litt mat på vegen, og så fekk vi sjå underverka! Nesten framme ved hamna kunne me begynne å sjå dela av Harbour Bridge og Operahuset! Det var ein heilt fantastisk opplevelse! Noko HEILT anna enn å sjå det på bilde! Alt verka så mykje større, og flottare! Gjekk langs hamna og beundra utsikta, og tok sjølvsagt ein del bilete ved operahuset :) Akkurat det var litt morsomt, for vi oppdaga at faktisk VI også var attraksjonar! Merka først at det var ein gjeng bak oss så begynnte å stille seg opp ved sidan av oss og tok bilder. Det var tydelig at vi var "motivet" bak dei, hehe.. Etter det var det heile to andre gjengar som ville ta bilde saman med oss, den andre gruppa hadde ikkje operahuset i bakgrunnen ein gong! hehe. Trudde aldri at det var vi som skulle bli tatt bilde av! ;)

Framfor det fantastiske operahuset!

Her var det nokre asiatiske som absolutt ville ha oss med på bilde;)
så då fann vi ut at vi også måtte få et bilde av dei ;)

VELDIG fornøgd :D

Jentene framfor Harbour Bridge som vi snart skulle klatre på!

Fantastiske Harbour Bridge

Seinare tok vi turen til Bridge Climb office. Der hadde vi booka klatring på Harbour Bridge!! Vi vart ein koselig gjeng på 7, og fekk på oss alt utstyret og litt opplæring før vi starta klatringa. Akkurat dette må seiast å vere ein av dei største opplevelsane eg har hatt! Heilt fantastisk og faktisk klatre på denne brua. Begynnte under brua og klatra opp stigane ved motorvegen og togbana og vidare opp til buen der det var trapp opp til toppen. Sann sett var det ikkje så skummelt for vi hadde godt underlag å gå på, og når det gjekk oppover var det stort sett trapp eller stige. Men så var det også VELDIG høgt ned, så mamma; ikkje noko for deg ;)
Men eg kan ikkje seie anna enn at eg har rimelig høgdeskrekk sjølv, men det gløymte eg heilt når eg fekk sjå den utrulege utsikta over byen, hamna og operahuset! Ubeskrivelig.

Toppen av Harbour Bridge!

Og der sto vi, med Sydney by i bakgrunnen!

Eg med Opera huset i bakgrunnen!

Etter klatringa var vi naturleg nok ganske mørbanka i beina, så det vart berre ein rask middag ute før vi slappa av på hostelet.

Dag 2 - Fredag 13. november
Det vart tidleg opp denne dagen også. Hadde ingen tid å miste, for det er nok av severdigheiter å få med seg i Sydney! Denne dagen reiste vi eit par timar med tog til Katoomba, som er ein liten stad oppe i fjellet. Det er her dei berømte Blue Mountains er! Rusla litt rundt i gatene før vi tok buss vidare til utkikksplassen. Også dette var heilt ubeskrivelig flott! Eit utruleg dal landskap, med spesielle fjellformasjonar med bratte klipper. Så hadde vi sjølvsagt utsikta mot dei berømte "Three Sisters". Fantastisk å berre vere der og ha denne utsikta! Gjekk vidare ned til "søstrene" der vi faktisk kunne gå på ei lita bru over til eine "steinen" eller fjellet. Utruleg høgt ned, så eg holdt meg godt fast til rekkverket ;)

Blue Mountains - The Three Sisters!

Ved kanten av eine fjellformasjonen av The Three Sisters
Stup bratt ned!

Gjekk vidare gjennom regnskogen langs klippene, og så buss og tog tilbake til byen. Vart minimalt med shopping, og gjekk heller ikkje ut på byen som planlagt, for vi hadde no slitne føtter etter både klatring og "bush walk" ;) Så vi hova inn mat og snacks og kortstokk og kosa oss på hostelet i staden :)

Dag 3 - Laurdag 15. november
Siste dagen vår i Sydney, brukte vi på strender og shopping. Var dessverre litt dårlegare vær denne dagen (dei andre dagane var det perfekt vær, sol og varmt). Men likevel tok vi bussen nordover til Palm Beach, kjent for å ha innspelinga av Home and Away (australsk dramaserie på tv 2 for dei som ikkje veit det;) ). Tok nesten 2 timer med buss noko som var litt nedtur, men det var veldig spesielt å faktisk vere der dei har hatt innspelinga av Home and Away! Må innrømme at eg ikkje er den største tilhengaren av denne serien, men kjente faktisk godt igjen stranda og omgivnadane rundt! Sidan eg faktisk gjorde det, syns eg det var på sin plass å kjøpe ein liten suvenir. Så det vart ei t-skjorte som visst nok blir brukt i serien ;)

Dei som ser Home and Away bør kjenne igjen det her!

Vart berre ein snarvisit her (delvis på grunn av dei MILLION flugene som absolutt skulle ha skyss me oss - den kvite veska mi var bokstavelig talt nesten svart av fluger som satt på den). Så tok vi bussen tilbake der vi fekk ete lunsjen vår i fred frå fluger, hehe ;)
Frå byen tok vi enda ein buss til den kjente stranda Bondi Beach. Sidan været ikkje var på topp og vi hadde begrensa med tid før avreise, vart det berre ein kort tur her også. Heldigvis regna det ikkje, så det gjekk fint å gå rundt på stranda :)

Såååå fornøgde :D

Bondi Beach!

Tilbake til byen, hoppa eg av bussen litt tidligare då eg ville ta turen gjennom Hyde Park. Fantastisk fin park! Rusla litt rundt og tok litt små shopping for meg sjølv (blant anna litt julegåver ;) ), før eg møtte Silje og Ingvild igjen. I 6-tida måtte vi forlate hostelet og ta flyet heim. Imponert over at vi klarte å komme over så mykje på så kort tid, men må innrømme eg var nokså sliten når vi kom heim :)

Og så søndag og mandag...
Søndagen var vi til Scarborough Beach, den stranda som er nærast Brisbane. Vi skulle eigentleg ut til Moreton Island, men på grunn av at det var søndag og at vi var litt seint framme, vart det vanskeleg. Men det var deilig å ha full avslapning på stranda! :)

Mandagen var siste dagen til Silje her! Då tok vi turen til Lone Pine Koala Sanctuary. Eg hadde vore der før att med Odd, men var artig å ta turen igjen - får aldri nok av kengerua og koala bjørnar ;)

Vart litt shopping etterpå. Prøver å få unda julehandelen denne veka! På kvelden reiste Silje heim.. Det var litt vemodig :) Har vore kjempekjekt å hatt ho på besøk!

Klem

End of an era!

Ja, no har eg nettopp skreve ferdig ei forklaring på SISTE produktet mitt, altså SISTE eksamenen min! Det betyr at i morga er det SISTE dagen min på skule!! Fyy, eg må seie det er litt trist sjølv om det er kjekt med lang ferie no. Men laurdagen innsåg eg virkelig at det er mange folk eg antakeligvis aldri får sjå igjen, og ting blir heilt annleis no når skulen er over. Sa faktisk til Ingvild etter eg printa ut arbeidet mitt i Typo i dag; "oj, ditte va en bra plass for printing, her ska ej fare neste gong!" - jada.. berre synd det ikkje blir en neste gong da! Viss ikkje eg skal printe ut julekort da ;) Men det så må seiast er at laurdag vart ein kjempe vellykka avslutningskveld :D Åt middag på ein gresk restaurant og etterpå var vi på ein utestad i West End og avslutta på Casinoet i byen! :)

Men må prøve å ha humøret oppe! I morga har vi siste presentasjonen vår og håper eg ikkje får alt for mykje peppar - ganske så kritisk "læraren" vår. Hermetegn kjem av at eg har funne ut at han faktisk ikkje har lært oss noke dette semesteret, vi lærar på eiga hand ved å prøve sjølve. Men skal ikkje klage. Eg lika faktisk faget veldig godt, og synest berre det er greit å sleppe dei timane med introduksjon i Photoshop ;)

Etter SISTE skuledag i morga, så har vi invitert til Pool party, som vi då naturleg nok skal ha ved bassenget på taket vårt :) Ser faktisk ut som det skal bli regn, men vi har heldigvis muligheit til å gå inn då :) Men blir ihvertfall kjekt med ei lita avslutning nr. 2 ;) Men må passe på å ikkje bli altfor seint, for skal ta toget 6-7 om morgenen dagen etter!

Då verte det fly til SYDNEY! Tjohoo ! Blir der til laurdags kveld, og skal prøve å komme over;
- strendene, blant anna Palm Beach der Home and Away er spelt inn
- operahuset, sjølvsagt!
- Blue Mountains
- Shopping og coctail på byen
- Klatring på Harbour Bridge

GLEDA MEG :D:D

Klem

BBQ

I dag har eg stressa som berre det! Hadde rettleiing på typografisk design i dag, og sleit veldig med å få ferdig et resultat å vise.. læraren vil alltid sjå "skikkelige" produkt kvar gong. Og gjett kva som skjedde ein time før rettleiinga?? Heile maskina klikka, og eg hadde sjølvsagt GLØMT å lagre arbeidet eg hadde jobba med. Trudde eg hadde lagra noke, men når eg opna arbeidet igjen så var ALT vekk som eg hadde jobba med i dag!! Noko som var veldig essensielt for rettleiinga i dag! Så på knappe timen jobba eg som ein hest for å få ting på plass igjen, og trur eg aldri har vore så rask før! Var heilt svett i henda.

Så var det berre å springe avgårde til West End der kontoret til læraren er. Fant sjølvsagt ikkje kontoret med ein gong, så gjekk som ein luring at og fram, for visste det skulle ligge i nærheita av der eg var, hehe. Kom litt for seint, og var skikkelig nervøs. Regna med eg kom til å få kritikk for at eg ikkje hadde ting klart. Det gjekk ihvertfall heilt fint at eg var litt forsinka, og det gjekk overraskande bra når eg viste han arbeidet! Sjølvsagt visste eg at eg hadde mykje arbeid med å få ting til å sjå bra ut, redigering av arbeidet, og det forklarte eg, men han syns det var ein god ide, kom med litt tips, og trudde det kom til å sjå veldig bra ut viss eg gjorde det skikkelig! :) Vel, å få det til å sjå skikkelig ut, er vel et av dei største problema, men då eg fortalte om ideen min gongen før var han litt skeptisk, så det var veldig kjekt å få "overbevise" han om at d va en god ide :D

Så etter det var eg mildt sagt letta! Rusla heim igjen, og brukte lang tid på matvarebutikken. Det må seiast at eg brukte lang tid, delvis fordi det var ein av dei varmaste dagane her i dag! Hørte det var over 30 grader ein stad her, og skikkelig høg luftfuktigheit! Så dusja i går kveld, men etter eg kom heim frå møtet måtte eg ta meg nok ein dusj, for var heilt fuktig og klam. Deretter møtte eg Josefin og Mia i Queen street og etter 10 minutt ute i sola følte eg for nok ein dusj! hehe, men skal ikkje klage, eg vil heller ta mange dusjar enn å ha det kaldt =)

Vi shoppa inn til BBQ og gjekk til South Bank for å finne BBQ plass (der e fullt i grillar rundt omkring der, med bord og stolar, som folk kan bruke). Men var litt vel optimistiske der på ein fredags ettermiddag, for alle plassane var opptatt, så det endte med at vi holdt BBQ'en oppe på taket vårt :) Då kom Silje og Ingvild også som nettopp hadde komt frå Surfers Paradise. Maria, Steffan, Jacob, Linn, Ida og Berit dukka også opp, så det vart ein kjempetrivelig kveld med berre avslapning :)

I morga er det Uni work så vi seie, og så "Bye Bye Brisbane" på kvelden. Då skal vi samlast heile gjengen på ein gresk restaurant som ei avslutning på skuleåret, sidan mange reiser ulike stadar.. Blir virkelig trist og måtte seie hadet til alle!
Nei, må vel hoppe i seng skal eg kome meg opp i morga!

Natta =)

Halloween og MASSE skulearbeid!

No har eg akkurat vorte ferdig med 3. eksamenen min, å dei skulle leverast i går og i dag, så det har vore skikkelig overlappande me alle oppgåvene, og altfor lite tid. Men er egentlig ganske fornøgd med resultatet på alle av dei (Branding, Design in Advertising og Creative Thinking). Og no er det berre Typografisk design igjen som skal leverast neste onsdag. Deilig å berre ha ein ting å tenke på! Skulle egentlig vise læraren et nesten ferdig produkt i Typo også, og han er veldig streng viss ein ikkje har noko skikkelig å vise.. blir egentlig skjelden fornøgd med noke av det vi vise, hehe.. men uansett så var det faktisk greit å møte fredag for rettleiing, så da har eg ein heil dag til å produsere noke vettugt :D

I dag kom faktisk Silje på besøk! Kjempesnodig å ha besøk frå Volda.. Eg har vore litt bissy med skulearbeid i dag, så trur ho og Ingvild er på shopping i Queenstreet..
Ja, i helga var det Halloween, og då benytta vi sjansen til å leige kostyme sidan vi ikkje kan det heime! Ingvild vart Norwegian Forest Fairy, å eg Angel of Death :P Var kjempeartig for hadde kjøpt meg parykk og hadde store vingar så fekk ein del artige kommentara når vi var ute; "Love your wings", hehe. Først på kvelden vart vi for første gong med romkameratane vore ut. Var på eit houseparty med skikkelig halloween stil :)

Kostymet til meg og Ingvild.
Eg måtte nesten berre holde stilen til tittelen min

Roomiane våre.. Hmm.. Kanskje litt snodig første inntrykk?

Hmm.. ellers er det svært lite så har skjedd. Forrige veke satt eg oppe heile 4 daga til 3-4 på natta. Og i natt var eg oppe til halv 5! Så no trur eg eg skal skrive litt postkort og så slappe av. Null energi til skulearbeid no!

Klem

Gjer som mora di seie ;)

Ja, btw, så må eg seie at når det har lyna på det verste, så har eg alltid fylgt mamma sine gode råd ;) skru av elektriske apparat å ta ut kontaktene! jaja, rett nok vart det berre med maskina, sidan det er det mest dyrebare eg har her, men likevel, viktig å følge mamma sine gode råd ;) Alle andre derimot ser ikkje ut til å bry seg derimot.. såg fleire ute gå med paraply - er det verkeleg så lurt når det tordnar?

Ellers har eg store planar no om å få sendt av gårde litt kort herfrå! Så viss dokke har moglegheit vil eg gjerne få tak i adresser... så berre å legge igjen en kommentar! Eg vil gjerne vite kven som les òg! :)

Klem:)

Filming

Ja forresten, så har Ingvild laga ein ganske artig film frå "ein dag i Brisbane", så den syns eg dokke bør sjekke ut :)
http://ingvildaustralia.blogspot.com/2008/10/day-in-my-aussie-life_23.html

Været og anna interessant ;)

Ok, no har eg visst lagt til side skulearbeidet litt, kanskje på tide sidan klokka er 23.27 her no, men kan benytte anledninga til å blogge litt ;)
Skal vi sjå, etter Cairns har det faktisk skjedd ganske lite. Har hatt fullt opp med innleveringar, sitte no med 4 prosjekt som skal vere ferdig på 2-3 veker! Men det ordna seg :) Har ikkje berre sitte inne med skulearbeid heller... Har hatt noken kjekke filmkvelda me Josefin og Mia .. Laurdag spelte vi faktisk litt fotball også! Gjekk ikkje så bra for min sin del, men kjekt var det ;)

Har også vore på kjendisparty, noke som var veldig suksess :D Dokke kan no tippe kven eg skulle forestille ;)
Har også vore på BBQ party nede ved South Bank; der er fleire grillplasser der ein kan samlast ein heil gjeng - veldig kos :)

Kjendisane hos Linn, Berit og Ida i West End :)

Hmm.. ellers er her begynnt å bli mykje varmare! Allereie på veg til skulen 08.00 om morgenen er det alt for varmt med bukse og genser.. til og med t-skjorte blir for varmt! Men etter skikkelig solskinnsdaga bruka været å skifte heilt om på kvelden! I går gjekk eg ute og tok bilder å ante fred og ingen fare, sola skein og alt var fint.. men plutselig bak meg ser eg mørkaste skyane sige fram! Eg skjønte med ein gong at det skulle bli ekstremt vær, så eg gjekk radigt heim for å sleppe unna regnet. Då eg hadde komt meg eit par blokke unna leiligheita slår lynet ned rett framfor meg (ehm, eller rettare sagt eit par kilometer unna kanskje ;) . Men må seie det var litt skremmande å gå ute når eg hørte kor det braka å lyna! Akkurat i det eg kom under tak begynnte det å regne og det var seriøst digre regndråpar! Følte meg bra heldig då når eg kom meg inn før det verkeleg vart gale :) betre å stå frå verandaen å sjå på været enn å gå ute i det ;)

Været i Brisbane :) her tordna det skikkelig! Men klarte ikkje knipse det - var litt for opptatt med å skynde meg heim ;)

Ja, så kan eg vel også innrømme at eg har vorte ein smule meir ufornuftig her nede! Eg har ein del problem med å spare pengar til australia turane etter skulen, sidan det kostar ein del å bu her, men kan vel ikkje seie anna enn at det er delvis min feil også, for mandag vart det booking av kostyme til Halloween og samme dag shoppa eg meg nye sko, høghæla sko, men rett nok på salg da :) Men eg og Ingvild, som også kjøpte seg sko, tok dei på før vi handla mat, og berre den 20 minutts turen heim var nok til at føttene mine måtte ha seriøs pause! Endte opp med nok eit par gnagsår :P

Mi ufornuftig lange skorekke! Kor mange sko trur du eg bruka?

Hmm.. noke anna nytt? Ja, kan vel seie at eg har møtt ein kjent dverg no! Og han låg på sofaen min! Det var onkelen til ho vi bur i lag med, og han var visst skodespelar av eit slag. Men må innrømme eg vart litt forfjamsa når eg kom heim og såg ein dverg ligge på sofaen ;)
Ja, så fekk eg igjen første typografi oppgåva vår i dag, og fekk 75% pluss ein god del skryt, så var veldig fornøgd med tanke på at det er ein veldig streng lærar! No har plakaten eg laga fått hedersplassen.... på do... hehehe ;)

Vart liksom kun på do denne plakaten passa, wonder why? ;)

Så er det berre 3 veker igjen til skulen er slutt og då vert det reising hit og dit! Silje fra klassa kjem nedover om eit par veker og då har vi planlagt sydneytur med blue mountains og klatring på harbour bridge! :D

Nei no får eg komme meg i seng! Tidleg opp i morga og ta igjen fortapt skulearbeid...
Natta folks! Savna dokke alle sammen! men no nærma heimreisa seg med stormskritt :)