Back to the same old..

Da har Odd akkurat reist og er på veg heim til Norge igjen. Utrulig kjedelig, etter å ha hatt han her i 2 veker! Men vi har ihvertfall fått gjort litt medan han var her, sjølv om det dessverre vart ein del skulearbeid.

I helga var vi til Byron Bay! Var der kun frå fredag til laurdag for å ta surfetimar laurdagen! Vart ein kjempekjekke tur, der vi første dagen rusla litt i hippie bygda og vindusshoppa, og gjekk opp til the Lighthouse der austligaste punktet i Australia er. Var mykje betre denne gongen, då været var på vår side. Gjekk ein annleis veg ned igjen også slik at vi enda opp på stranda. Nydelig fint der, og vart ståande å observere folk som dreiv med diverse vannsport :)
Laurdagen vart det surfetime! Tok kurset med same folka som sist vi var der då dei var utruleg flinke instruktørar! Odd fekk sin første surfetime, medan eg gjekk vidare i opplæringa. Men dessverre klarte eg å svelge såpass mykje saltvann at eg måtte kvile resten på stranda. Men var veldig kjekt å sjå på Odd prøve seg da - han klarte no å stå på brettet mesteparten av gongane :)

Nydelig utsikt oppe ved fyrtårnet :)

Ellers har det vore hektisk med å få ferdig prosjekt til både tirsdag og onsdag. Lagde ferdig ein plakat og kampanje for heimlause i Design in Advertising til tirsdag, noko eg fekk ganske grei tilbakemelding på, så blir spennande å sjå kor høg prosent eg får på denne oppgåva.
Til onsdag måtte vi vere ferdig me eit seminar i Creative Thinking, og det gjekk mildt sagt IKKJE etter tidsplanen. Vi stod fast fram til siste dagen, så vi måtte sitte oppe heile natta for å få ferdig eit nokon lunde greit opplegg for klassa. Eg var heilt ødelagde når vi skulle gå til skulen 09.00 om morgenen. Seminaret skulle holdast første timen, så eg kan vel seie at eg ikkje huska stort av kva som skjedde, og korleis det gjekk med heile opplegget. Men det vart gjennomført, og om eg ikkje huska heilt feil klarte vi å gjennomføre eit nokså heilheitleg seminar.

I går, torsdag, var eg og Odd skikkeleg turistar sidan det var siste dagen hans! Det første vi gjorde var å ta sightseeing cruise gjennom Brisbane River, og fekk sjå mykje meir heilheita av byen, og forskjellige attraksjonar ved elva. Sjølv om det var litt overskya var det ein veldig koseleg tur :)
Etterpå var det rett på bussen til Lone Pine Koala Sanctuary som ligg halvtime-timen frå byen. Det vart kjempesuksess! Koalane var nokså våkne, så det vart veldig underhaldande å sjå på desse små søte bamsedyra labbe og klatre her og der :) Var også ei avdeling med mamma-koalaer der vi kunne sjå babyen anten henge på ryggen, eller i armkroken til mora - heilt utruleg søte dyr. I tillegg til koalaer, var vel kengeruane også eit høgdepunkt! Det var flokkevis av dei og alle like tame og oppmerksomheitsjuke ;)
Ellers var der litt andre dyr som slangar, wombats, fuglar og dingoar.

Story Bridge

Brissy <3

Reiste heim i 6-tida og då var det berre å få seg litt mat før vi gjekk til ein pub inne i byen. Der møtte vi Linn, Berit, Ida og nokre andre norske jenter, heile puben var vel berre norske, då det var norsk quiz kveld. Ganske artig quiz, sjølv om vi klarte å havne på SISTE plassen. Hehe, men eg trur vi var nokså gode taparar :)
Etter quizen var puben opna for alle og det vart karaoke. Fekk ikkje sunge, men det var minst like artig å høre på alle dei andre som song! :)

I dag var det vel litt hardt å stå opp. Men måtte hive oss rundt, og både pakke og ete, før eg fylgte Odd til toget. Vart dessverre litt hastverk, sidan toget kom med ein gong vi hadde komt til plattformen :/ Fekk i det minste seie hadet, men trist å tenke på at det er heile TRE månadar til eg skal heim!

Eg får vel berre prøve å hive meg rundt i aussie-moduset igjen og nyte tida som er igjen her. Men eg gleder meg uansett masse til å kome heim til alle heime, og har faktisk allereie litt julestemning, fordi eg veit det er i dei tider eg kjem heim :) Har nynna litt på Ave Maria i det siste ;)
Nei no må eg kvile haudet litt - har fått ein liten forkjølelse etter våkenatta tidlegare i veka, så må kvikne litt før eg setter meg ned me haugen av skulearbeid...
Kryss fingrane for at eg klarer å få ferdig prosjekta mine til Spring Break! Då reiser vi rake vegen til CAIRNS - GREAT BARRIER REEF :D

Klem

BTW

Ja, så har eg forresten skifta layout og greier på bloggen. Ikkje heilt suksess, men får prøve å ordne litt på den etterkvart, og håper dokke finner fram ;)

Klem

australsk fotball, stradbroke island og shopping :D

No har det gått vel ei halv veke sidan Odd kom! Og vi har fått gjort litt dei siste dagane. Har rett nok måtta konsentrert meg ein del om skule, men vi skal nok få tid til å sjå litt her :)
Har fått vist han litt rundt både i Paddington, West End, South Bank og sjølve byen (eller stort sett Queen Street på den sida;) ).

Fredag var vi for første gong på australsk fotball på stadion her - diger stadion og kjempemasse liv, for det var siste kampen til ein av dei kjente spelarane i Brisbane sitt lag; Broncos. Broncos vann med fleirfoldige mål, så kampen sitt utslag var vel nokså sjølvsagt, men var uansett spennande å sjå denne typen fotball - her får dei både sparke ballen og kaste den.. kan vel seiast å vere ei blanding mellom fotball og rugby.
Etter kampen gjekk vi til Mia og Josefin. Michael og Jacob, som er naboen og kompisen hans, var også med :)
Prøvde å ta litt tidli kveld, men vart litt uventa tur heim! Rett før brua til South Bank såg vi ein fyr som vart slått til og slengt i bakken! T-skjorta var tydeligvis reven av eller noko, og medan han låg på fortauskanten, halvvegs inni kjørebana full i trafikk (!!), sparka dei han både i magen og hovudet! Det var så sjukt ekkelt! Michael kan veldig bra "sjølvforsvar" eller kampsport, så han torte å springe bort til gjengen som angreip han. Det var likefør dei slo til han også, men så gjekk dei. Så hjalp vi fyren som låg nede og halvvegs bevisstlaus og ringde politiet.
Vart ein veldig dramatisk kveld, men trur fyren klarte seg bra.

Natt til laurdag vart det vel knappe 3 timar søvn, før det var opp og stå og på toget. Då reiste eg, Odd, Ingvild, Mia og Josefin til Stradbroke Island for ein dagstur! Tok ca. 2 timar å kome seg til den nordre delen av øya ved stranda og look outen, inkl. tog, buss og ferge.
Øya og stranda var fantastisk fin! Ganske lite folk også så det var herlig og berre ligge å slappe av på stranda! Bølgene var vanvittig høge, så det var stort sett surfera ut på sjøen. Etter litt strandliv gjekk vi oppover ei ås så vi fekk utsikt over havet. Var så heldig å få sjå fire delfina hoppe synkronisert i lag ute i bølgene :D
Reiste vel heim i 6-tida på ettermiddag. Temperaturen og sola var svært bra denne dagen, så vi fekk alle litt farge - høre med etter ein dag på stranda :)
Laurdagskveld vart avslapning opp med Mia og Josefin med heimelaga pizza :D

Nettopp komt over med ferga til Stradbroke Island!
The Beach

Mektig store bølger! Berre sjå Odd på bilete!

At the view point

Søndag vart det litt skulearbeid, men sov ganske lenge etter ei harde helg med lite søvn! På kvelden gjekk eg og Odd ned til South Bank og tok pariserhjulet som nettopp har komt opp der! Det var kjempestas! Fekk med litt av solnedgangen og utsikt over byen. Odd trudde pariserhjul var ganske kjedelig, men han ombestemte seg fort der ;)
Etterpå for vi på ein veldig bra indisk restaurant på West End og åt middag :)

Pariserhjulet ved Brisbane River!

Utsikta bak meg, heldige å få med litt av solnedgangen :)

Odd som aldri trudde han ville like pariserhjul;)

Nydelig utsikt frå toppen av pariserhjulet!

I dag, Mandag, skulle eg og Ingvild så svært på biblioteket og stupe ned i skulearbeidet, men eg tenkte eg først skulle ta ei rask shoppingrunde i Queen Street, og deretter vise Odd the Botanic Garden i enden av bydelen, før biblioteket. Men det enda opp med at vi tre gjekk på shopping frå 11 til 17.30! Fekk ein time på biblioteket, men det skulle vel helst vore omvendt, og Botanic Garden må vi ta igjen ein annan dag.

Uansett - godt fornøgde med shopping dagen! :D

På kvelden kom Mia og Josefin på besøk. Vart berre litt småprating før dei reiste heim igjen, men kos det :) No er klokka snart 12 på kvelden, og som vanleg er det i desse tider Michael kjem over og seier hei. Men har fått sove skikkeleg to netter, så skal vel klare meg med nokre få timar i natt.

Har forresten funne ut at eg har ein GOD del arbeid å få unda no både før Odd reise og før Spring Break, så det er litt kjedelig. Har lyst å ha mest mogleg tid til alt anna enn skule, men slik er det vel alltid. Men i helga må eg nesten ta meg fri. Har lyst å ta ein liten tur med Odd, så da reiser vi antakeligvis ein liten tur til Byron Bay, for surfe timar og strandliv :D satsar på bra vær denne gongen! Litt usikker på kor lenge vi skal vere der, men verkar som det ordnar seg med surfe timar, for eg har tatt kontakt med dei eg hadde surfe time med sist eg var der :)

Klem

Odd is down under!!

No har odd endelig komt ned!! Kjemperart å hente han på flyplassen! Men kjempekjekt å ha han her :) Han måtte dessverre klare seg sjølv første timane då eg måtte på skulen, men trur han sov mesteparten av tida uansett - ikkje anna å vente etter 30 timers reise ;)
Etter skule var vi inn i Queenstreet og berre såg oss litt rundt. Fekk ikkje handla så mykje for butikkane stengte litt tidligare enn vanlig. No skal vi kanskje på kino, så eg får skrive meir etterkvart ;)
Klem